İdman
Pleyeri seçin:
İngiltərə millisində gözlənilməz dəyişiklik
İngiltərə millisinin baş məşqçisi Qaret Sautqeyt vəzifəsindən gedib.
53 yaşlı mütəxəssis öz istəyi ilə tutduğu postu tərk edib. Bildirilib ki, Federasiyanın onu komandada saxlamaq istəyinə baxmayaraq, Q.Sautqeyt yığmadan ayrılmağa qərar verib.
Qeyd edək ki, Qaret Sautqeyt 2016-cı ildən İngiltərə seçməsinə rəhbərlik edirdi. Onun baş məşqçi olduğu müddətdə ümumən 102 görüş keçirən britaniyalılar həm də 4 böyük turnirə qatılıblar. Rusiyada keçirilən 2018-ci il dünya çempionatında 4-cü yeri tutan İngiltərə komandası Qətərdəki mundialda mübarizəni 1/4 finalda dayandırıb.
Qitə çempionatları isə Q.Sautqeyt üçün daha uğurlu alınıb. AVRO-2020-də finala qədər irəliləyən və yalnız həlledici matçda İtaliyaya uduzan İngiltərə kollektivi AVRO-2024-də də 2-ci yeri tutub. Almaniyada təşkil olunan yarışın finalında İspaniyaya 1-2 hesabı ilə uduzan britaniyalılar gümüş medallarla kifayətləniblər.
Kopyalandı
Seçilmişlər
