İngiltərə Premyer Liqasının qalibi məlumdur

İngiltərə Premyer Liqasında qalibin adına aydınlıq gəlib. Yarışın bitməsinə 1 tur qalmış “Mançester Siti” növbəti çempionluğunu rəsmiləşdirib.

Belə ki, “şəhərlilər”in ən yaxın izləyicisi “Arsenal” 37-ci turda məğlub olduğundan “Siti” ardıcıl 3-cü, ümumilikdə isə 9-cu titulunu qazanıb.

Qeyd edək ki, “Mançester Siti”nin növbəti zəfəri baş məşqçi Pep Qvardiola üçün də əlamətdar olub. İspaniyalı mütəxəssis komanda ilə 5-ci dəfə çempionluq tituluna yiyələnib. Bundan başqa, onun rəhbərliyi ilə kollektiv indiyədək liqa kubokunda 4, superkubokda 2, ölkə kubokunda isə 1 dəfə qələbə qazanıb.