Pleyeri seçin:
İstanbul derbisində qalib müəyyənləşdi
Türkiyə Super Liqasında 15-ci tur davam edir.
Mərkəzi matçda “Beşiktaş” kollektivi “Fənərbağça” ilə üz-üzə gəlib.
“Tüpraş Arena”da baş tutan matç “qara qartallar”ın qələbəsi ilə bitib. Oyunun ilk hissəsində qapılar önündə qol vəziyyətləri yaransa da hesab açılmayıb.
İkinci yarıya sürətli başlayan meydan sahibləri “Fənər”in qapısına yol tapmağı bacarıblar. 73-cü dəqiqədə Aleks Oksleyd Çemberlen komandasının yeganə qolunun müəllifi olub. Bundan sonra qonaqlar məğlubiyyətdən xilas olmağa çalışsa da, bu, mümkün olmayıb.
Beləliklə, “Beşiktaş” qarşılaşmadan 1-0 hesabı ilə qalib ayrılıb. Bu nəticədən sonra aktivində 25 xal olan “qara qartallar” 4-cü pillədə qərarlaşıb. “Fənər” isə 32 xalla ikincidir. Turnir cədvəlinə 35 xalı olan “Qalatasaray” başçılıq edir.
Qeyd edək ki, “Beşiktaş” növbəti turda “Adana Demirspor”un qonağı olacaq. “Fənər” isə “Başakşehir”lə qarşılaşacaq.
Kopyalandı
#Türkiyə Super Liqası teqi istifadə olunub
Seçilmişlər
