Karlo Ançelotti karyerasını harada bitirəcəyini açıqladı

Karlo Ançelotti məşqçilik karyerasını harada yekunlaşdıracağını açıqlayıb.

Təcrübəli mütəxəssis “Real Madrid”in onun son iş yeri olacağını bildirib. Bir müddət əvvəl “kral klubu” ilə 2026-cı ilədək müqavilə imzalayan Karlo 2028-ci ilədək komandada qalmaq istədiyini deyib. 68 yaşlı məşqçinin sözlərinə görə, onun “los blankos”da işinə davam etməsi “Real”ın qazanacağı titullardan asılıdır.

Qeyd edək ki, Ançelotti 2021-ci ilin yayından Madrid təmsilçisinin sükanı arxasındadır. Daha əvvəl 2013-2015-ci illərdə də kollektivə rəhbərlik edən Karlonun dövründə “Real” Çempionlar liqası, UEFA Super kuboku, İspaniya kuboku və klublararası dünya çempionatında 2 dəfə qələbə qazanıb. Bundan başqa, komanda 2022-ci ildə İspaniya çempionatı və ölkə super kubokunda qalib gəlib.