Konfrans Liqasında 1/4 finalın püşkü atılıb

Konfrans Liqasında 1/4 final mərhələsinin püşkatma mərasimi baş tutub.

Tədbirin nəticələrinə əsasən, cütlər bu cür müəyyənləşib: “Brügge” – PAOK, “Olimpiakos” – “Fənərbağça”, “Aston Villa” – “Lill”, “Viktoriya” – “Fiorentina”.

Yarımfinal mərhələsinin püşkatmasına görə, “Aston Villa” və “Lill” arasında mübarizədə güclü olan tərəf “Olimpiakos” – “Fənərbağça” cütünün qalibi ilə qarşılaşacaq. “Viktoriya” və “Fiorentina” arasında oyunların qalibi isə “Brügge” və ya PAOK-la üz-üzə gələcək.

Finala gəldikdə isə “Aston Villa”, “Lill”, “Olimpiakos” və ya “Fənərbağça” nominal ev sahibi, “Viktoriya”, “Fiorentina”, “Brügge” və ya PAOK isə qonaq komanda olacaq.

Qeyd edək ki, Avropa Liqasında 1/4 finalın görüşləri aprelin 11-i və 18-də, yarımfinal matçları isə mayın 2-də və 9-da keçiriləcək. Final görüşü isə mayın 29-da Afinadakı “Ayasofiya” stadionunda baş tutacaq.