Kriştiano Ronaldo Avropaya qayıdacaq

24 may 2024 462 baxış

Dünya futbolunun əsas ulduzlarından, hazırda Səudiyyə Ərəbistanının "Əl-Nəsr" klubunda forma geyinən Kriştiano Ronaldo yenidən Avropaya qayıda bilər.

Xarici mətbuatda yayılan məlumata görə, 39 yaşlı forvard cari mövsümdə Almaniya çempionu olan “Bayer Leverkuzen” kollektivinin diqqət mərkəzindədir. Baş məşqçi Xabi Alonso da Ronaldonu klubda görmək istəyir. O, hücumçunun növbəti mövsüm Çempionlar Liqasında komanda üçün faydalı olacağına inanır.

Qeyd edək ki, karyerası ərzində “Yuventus”, “Mançester Yunayted” və “Real Madrid” kimi nəhəng klublarda çıxış edən Kriştiano Ronaldo 2023-cü ilin yanvarından “Əl Nəsr”də top qovur. Bu müddət ərzində 62 görüşdə meydana çıxan portuqaliyalı 56 qol və 15 asist müəllifi olub.

Çıxış etdiyi klublarla İngiltərə, İspaniya və İtaliya çempionu olan Kriştiano Çempionlar Liqası, UEFA Super Kuboku və klublararası dünya çempionatında qalib gəlib. Eyni zamanda o, 5 dəfə “Qızıl Top” mükafatının sahibi olub.

#Əl-Nəsr FK