Kriştiano Ronaldo Lionel Messinin fanatlarına qəzəbləndi

Səudiyyə Ərəbistanının “Əl-Nəsr” futbol klubunun hücumçusu Kriştianu Ronaldu yoldaşlıq görüşündə “Əl-Hilal” azarkeşlərinin davranışına emosional reaksiya verib.

Belə ki, “Əl-Hilal”ın 2-0 hesablı qələbəsi ilə yekunlaşan görüşdə Kriştianonun hər dəfə topa toxunduğunda fanatların Lionel Messinin adını səsləndirməsi portuqaliyalını qəzəbləndirib. Ronaldo epizodlardan birində tribunadakı azarkeşlərə “Burada mənəm, Messi yox!”, – deyə cavab verib.

Xatırladaq ki, 2022-ci ilin sonlarından “Əl-Nəsr”də çıxış edən Kriştiano Ronaldo və hazırda “İnter Mayami”də top qovan Lionel Messi uzun müddət rəqabətdə olublar. Onlar “Real Madrid” və “Barselona”da çıxış etdikləri dövrdə qollar və titullar baxımından daim müqayisə olunurdular.