Kriştiano Ronaldo MMA fəndi ilə qaydanı pozdu

Səudiyyə Ərəbistanı çempionatının 25-ci turunda Ər-Riyadı təmsil edən iki komanda – “Əl Hilal” və “Əl Nəsr” arasında matçda qalmaqallı hadisə baş verib.

Belə ki, “Əl Nəsr”in ulduz futbolçusu Kriştiano Ronaldo qarşılaşmanın 57-ci dəqiqəsində Qustavo Kuelyarı kobud şəkildə yerə yıxıb. Döyüş fəndini xatırladan bu qayda pozuntusundan sonra 38 yaşlı hücumçuya sarı vərəqə göstərilib.

Görüntülər sosial mediada yayıldıqdan sonra isə Kriştiano tənqidlərə məruz qalıb. İstifadəçilər K.Ronaldonu idmançıya yaraşmaz hərəkətdə ittiham ediblər.