İdman
Pleyeri seçin:
Mahir Emreli Almaniyanın diqqət mərkəzində
Millimizin üzvü Mahir Emreli Almaniyanın “Nürnberq” komandasında ilk qoluna imza atıb.
27 yaşlı forvard 2-ci Bundesliqanın 9-cu turunda “Qroyter Fürt”lə oyunda fərqlənib. Matça əsas heyətdə başlayan Emreli 13-cü dəqiqədə qapını dəqiq nişan almaqla görüşdə hesabı açıb.
Qarşılaşmanın davamında daha 3 qol vuran “Nürnberq” yekunda 4-0 hesablı qələbə qazanıb. Bu qalibiyyətlə xallarının sayını 13-ə çatdıran baş məşqçi Miroslav Klozenin komandası yarış cədvəlinin 9-cusudur.
Qeyd edək ki, bu yay azad agent kimi “Nürnberq”ə qoşulan Mahir Emreli 2-ci Bundesliqada 4 matçda meydana çıxıb. Daha əvvəl ölkəmizin “Qarabağ”, eləcə də Polşanın “Legiya”, Xorvatiyanın “Dinamo Zaqreb” və Türkiyənin “Konyaspor” klublarında top qovan hücumçunun Almaniya təmsilçisi ilə müqaviləsi 2025-ci ilə qədərdir.
Kopyalandı
Seçilmişlər
