Pleyeri seçin:
Mahir Emreli "Kayzerslautern" klubundan ayrılmaq istəyir?
Azərbaycan millisinin və Almaniyanın "Kayzerslautern" klubunun futbolçusu Mahir Emreli sosial şəbəkə hesabında paylaşımı ilə müzakirələr yaradıb.
Hücumçu "Münster" matçında komandanın heyətinə daxil edilməyib.
Mahir əfsanəvi futbolçu Zlatan İbrahimoviçin sözləri ilə atmaca atıb:
"Bəzi insanlar sənin haqqında pis danışacaq, bəziləri yaxşı. Amma əgər pis danışırlarsa, deməli, sən yaxşı iş görürsən. Mənə inan".
Oyunçu sözügedən paylaşımı bir müddət sonra silib.
"Kayzerslautern"in baş məşqçisi Torsten Libernext isə M.Emrelinin son məşqdəki inamsız təsir bağışlamasını səbəb gətirib:
"Məndə elə bir hiss yaranmadı ki, mütləq oyuna girmək istəyir. Sən də bir az kənarda qalmalı və geri dönmək üçün çalışmalısan. M.Emrelinin yenidən komandada yer qazanmaq şansı hələ də var, amma buna yalnız daha səmərəli məşq göstəriciləri ilə nail ola bilər".
Kopyalandı
Seçilmişlər
