Mahir Emrelinin yeni komandası açıqlanıb

Azərbaycan millisinin üzvü Mahir Emrelinin yeni klubu məlum olub.

Zaqreb “Dinamo”sundan ayrılan 27 yaşlı futbolçu karyerasını “Nürnberq”də davam etdirəcək.

M.Emreli Almaniya kollektivi ilə 1 illik müqavilə imzalayıb. Lakin razılaşmaya əsasən, sözləşmənin müddətini daha 1 illik uzatmaq mümkün olacaq.

Qeyd edək ki, Mahirin yeni komandası “Nürnberq” 2-ci Bundesliqada çıxış edir. Ötən mövsümün yekununa görə, 12-ci yeri tutan klubun baş məşqçisi isə sabiq futbolçu, 2014-cü ilin dünya çempionu Miroslav Klozedir.