Pleyeri seçin:
“Mançester Siti”nin ulduzu Səudiyyə Ərəbistanı klubuna keçir
Ötən mövsüm “Mançester Siti” ilə Premyer liqa, İngiltərə kuboku və Çempionlar liqasının qalibi olan Bernardo Silva Səudiyyə Ərəbistanına yollanmağa yaxındır.
İspaniyanın məşhur “Marca” nəşrinin məlumatına görə, portuqaliyalı ulduz adı çəkilməyən klubdan təklif alıb. Sözügedən xəbərdə oyunçunun bu keçidə müsbət yanaşdığı və tərəflər arasında razılığın yaxın müddətdə əldə olunacağı bildirilir.
Qeyd edək ki, “Mançester Siti”nin 2017-ci ildə “Monako”dan 50 milyon avroya transfer etdiyi Bernardonun müqaviləsi 2025-ci ilədək nəzərdə tutulub. “Barselona”nın da maraq dairəsində olan 28 yaşlı futbolçu ötən mövsüm bütün yarışlarda 55 matçda 7 qol və 8 assistlə yadda qalıb. “Siti”nin əsas oyunçularından olan B.Silva Portuqaliya millisinin də liderlərindəndir. Yığma forması ilə 82 oyun keçirən yarımmüdafiəçi 11 qolun müəllifidir.
Kopyalandı
Seçilmişlər
