Səudiyyə Ərəbistanının hava limanları dronlarla hədəf alınıb? - Baku TV

“Son 48 saat ərzində Səudiyyə Ərəbistanının Dammam və Cizan şəhərlərindəki hava limanlarına pilotsuz uçuş aparatları ilə hücum edilib”.

Bu barədə Yəməndəki husi hərbi qanadının sözçüsü Yəhya Sari “X” hesabında paylaşım edib.

Onun sözlərinə görə, Dammam hava limanı iki mərhələdə iki dron ilə hədəfə alınıb və bu zaman aeraportda uçuşların hərəkəti dayanıb. Bundan başqa, Cizan hava limanındakı erkən xəbərdarlıq radarının PUA ilə vurulduğu, həmçinin hərbi nəqliyyat təyyarəsinə də hücum edildiyi bildirilib.

Qeyd edək ki, bəyanatda Səudiyyə Ərəbistanı Hərbi Hava Qüvvələrinin Xamis Müşeyt və əl-Taif bazalarından qalxan “F-15” və “Typhoon” qırıcıları vasitəsilə son 24 saatda Saada, Taizz, Ləhc, Əl-Cəvf və Əl-Xudeydə vilayətlərindəki mülki obyektlərə 109 hava zərbəsi endirdiyi, nəticədə mülki şəxslər arasında həlak olan və yaralananların olduğu vurğulanıb.

Y.Sariyanın sözlərinə görə, gərginliyin artmasından bəri Səudiyyə koalisiyası tərəfindən Yəmən ərazisinə ümumilikdə 3939 hava və raket zərbəsinin endirilib.