Əraqçi dialoq üçün İranın şərtlərini açıqlayıb

ABŞ və İran arasında mümkün danışıqların gündəliyi Tehranın daha əvvəl təklif etdiyi yeddi günlük planın şərtlərindən ibarətdir.

Bu barədə İranın xarici işlər naziri Abbas Əraqçi "Al Jazerra" telekanalına müsahibəsində danışıb.

"Bu planda İranın Hörmüz boğazının açılması ilə bağlı şərtləri irəli sürülüb və bildirilib ki, Tehranın şərtləri yerinə yetirilərsə, altıncı gün Hörmüz boğazı açılacaq, yeddinci gün isə İran və ABŞ arasında danışıqlar bərpa olunacaq", – deyə Əraqçi vurğulayıb.

O xatırladıb ki, bu plan BMT Baş Assambleyası zamanı təqdim edilib.

Diplmat planın detallarına da aydınlıq gətirib: "Birinci gün ABŞ tərəfindən bir sıra tədbirlər görülür və ikinci gün Hörmüz boğazı açılır, gediş-gəliş əvvəlki vəziyyətə qayıdır. ABŞ-nin yerinə yetirməli olduğu şərtlər İslamabad Anlaşma Memorandumunda yer alıb. Biz tətbiq olunan yeni sanksiyaların hamısının ləğv edilməsini, hərbi qüvvələrin azaldılmasını və əvvəlki səviyyəyə qaytarılmasını istəyirik".

Əraqçinin sözlərinə görə, Hörmüz boğazında hərəkət üçün İran və Oman arasında razılaşdırılmış yeni marşrut qəbul edilməli və cənubdakı digər istiqamətlər bağlanmalıdır.

Əraqçi sonda diqqətə çatdırıb ki, İran yeni silahları sınaqdan keçirib və ordu yüksək hazırlıq vəziyyətindədir.