Məhəmməd Salah "Liverpul"dan gedərsə, onu kim əvəz edəcək? - Baku TV

"Liverpul"un əfsanəvi vingeri Məhəmməd Salahın komandadan ayrılma ehtimalı futbol dünyasının əsas müzakirə mövzusuna çevrilib. Baku.tv-nin məlumatına görə, müqaviləsi 2026/27 mövsümünün sonunda başa çatacaq 33 yaşlı misirli ulduzun bu yay Səudiyyə Ərəbistanı və ya ABŞ klublarına transferi "getdikcə daha real" görünür. Bəs "Enfild"in yeni kralı kim olacaq? "Liverpul" rəhbərliyi artıq Salahın yerini doldura biləcək bir neçə iddialı namizədi müəyyənləşdirib. Siyahının başında "Bavariya"nın gənc ulduzu Maykl Olise və "RB Leypsiq"in parlayan istedadı Yan Diomande yer alır. Həmçinin, Arni Slotun əvvəllər birlikdə işlədiyi Yankuba Minteh və "Nyukasl"ın vingeri Entoni Qordon da ciddi namizədlər arasındadır. "Liverpul"un bu transferlər üçün 100 milyon avrodan çox vəsait ayırmağa hazır olduğu bildirilir. Videoda Salahın gedişinin komandaya təsiri, namizədlərin statistik müqayisəsi və "Liverpul"un yeni hücum strategiyası ətraflı təhlil olunur.