Məşhur idmançımız 2 saat ərzində 3 gümüş medal qazandı

Tailandda keçirilən ağırlıqqaldırma üzrə Dünya Kuboku idmançımız Dadaş Dadaşbəyli üçün uğurlu alınıb.

Ağırlıqqaldıranımız “Paris - 2024” Olimpiya Oyunlarına lisenziya xarakterli turnirdə 109 kq çəki dərəcəsində mübarizə aparıb.

Atletimiz birdən qaldırma hərəkətində 177 kq-ı ram edib və bu hərəkətdə gümüş medala sahib çıxıb. O, təkanla qaldırmada 211 kq-ın öhdəsindən gələrək bu hərəkətdə də eyni uğura imza atıb.

Toplamda 388 kq nəticə gösərən Dadaş yekun sıralamada da 2-ci yeri tutub və yarışı 3 gümüş medalla başa vurub.

Qeyd edək ki, sözügedən turnirdə 110 ölkədən 449 atlet iştirak edib.