Pleyeri seçin:
MMA - i idman növü saymayan azərbaycanlı dünya çempionu
Xəbərlərimizi Google-da izləyin
Yeniliklərdən dərhal xəbərdar olun
“Ən böyük dəstəkçim həyat yoldaşımdır. O, mənim döyüşlərimi, rəqiblərimi analiz edir. Hətta Amerikada keçirilən Dünya Oyunlarına həyat yoldaşımla birlikdə hazırlaşırdım”.
Bunu Baku TV-yə açıqlamasında peşəkar kikboksçu, dünya çempionu Bəhram Rəcəbzadə deyib.
“Glory 87”də peşəkarlar arasında keçirilən döyüşdə qalib gələn idmançımız ikinci rəqibi ilə görüşə yaralı halda çıxdığını deyib:
“İlk döyüşdə bütün damarlarım, vətərlər qırılmışdı. Buna görə də ikinci döyüşüm çox çətin keçdi. Hətta həkimlər mənə döyüşməyə icazə vermirdilər. Çünki ayağımdan qan axırdı. Onlardan 5 dəqiqə vaxt istədim. Vedrəni ayağımın altına qoydum ki, qan ora axsın. Sonra vazelini götürüb yaranın içinə doldurdum, dəri ilə üzərini “svarkaladım”. O ayaqla döyüşə çıxdım və qalib gəldim”.
B.Rəcəbzadə MMA döyüşlərindən də danışıb və bu idman növünü sevmədiyini bildirib: “MMA döyüşlərinə rastıma düşəndə baxıram. Amma xoşlamıram. Mənim fikrimcə, MMA idman növü deyil. Çünki hər yerdə – yatanda, qaçanda, havada vurursan və bu, mənə ləzzət etmir”.
Kopyalandı
#Bəhram Rəcəbzadə teqi istifadə olunub
Seçilmişlər
