Musa Qurbanlı "Yurqorden" klubundan ayrılacaq

Azərbaycan millisinin üzvü Musa Qurbanlı “Yurqorden” komandasından ayrılmağa yaxındır.

Mediada yayılan məlumata görə, 22 yaşlı hücumçu oyun praktikasının az olması səbəbindən belə qərar verib.

Bildirilir ki, İsveç kollektivi də Musanın gedişinə etiraz etmir. Klub həm onun transferini, həm də 1 mövsümlük icarəyə verilməsini nəzərdən keçirir.

Qeyd edək ki, “Yurqorden”lə müqaviləsi 2026-cı ilə qədər olan M.Qurbanlı İsveçin digər təmsilçisi “Höteborq”un diqqət mərkəzindədir. Komanda onu icarə əsasında heyətə qatmağı planlaşdırır. Həmçinin forvardın “Qarabağ”a qayıtması da gündəmdədir.