Musa Qurbanlı yenidən "Qarabağ"da forma geyinə bilər

İsveçin “Yurqorden” komandasında forma geyinən Musa Qurbanlı “Qarabağ”a qayıda bilər.

Yerli mediada yayılan məlumata görə, “köhlən atlar” 22 yaşlı forvardı 1 illik icarə əsasında yenidən heyətə qatmağı planlaşdırır. Bildirilib ki, artıq bununla bağlı kollektivlər arasında razılıq əldə olunub. M.Qurbanlı özü də yenidən Ağdam təmsilçisində çıxış etməyə müsbət yanaşır.

Maraq üçün deyək ki, “Qarabağ”la yanaşı daha bir İsveç təmsilçisi “Höteborq”da M.Qurbanlı ilə yaxından maraqlanır. Daha əvvəl mediada gənc futbolçunun “Yurqorden”in planlarına daxil olmaması ilə bağlı xəbərlər paylaşılıb.

Qeyd edək ki, Musa Qurbanlı ötən ilin yayında “Qarabağ”dan ayrılaraq “Yurqorden”lə sözləşməyə qol çəkib. “Transfermarkt” portalına əsasən, İsveç klubu bu keçidə görə “köhlən atlar”a 500 min avro ödəyib. Bu müddət ərzində 19 matça çıxan 21 yaşlı futbolçu cəmi 3 qol vurub.