Pleyeri seçin:
“Neftçi” klubu Moskva “Spartak”ı qarşılaşacaq
“Neftçi” klubu bu gün yoxlama matçında Moskva “Spartak”ı ilə üz-üzə gələcək.
“Neftçi Arena”da baş tutacaq qarşılaşmanın start fiti saat 18-də veriləcək.
Görüşdə ədalət prinsiplərini Rauf Cabbarovun rəhbərlik etdiyi hakimlər briqadası qoruyacaq. Ona Namiq Hüseynov, Kamran Bayramov və Kamranbəy Rəhimov kömək edəcəklər.
Sözügedən oyun Moskvada baş verən terror aktı ilə əlaqədar 1 dəqiqəlik sükutla başlayacaq.
Xatırladaq ki, “Neftçi” və “Spartak” klubları son olaraq ötən il iyulun 18-də üz-üzə gəliblər. Həmin oyun Moskva təmsilçisinin 2:0 hesablı qələbəsi ilə bitib.
Kopyalandı