“Neftçi” Premyer Liqada 30-cu turun matçına çıxır

13 aprel 2025 415 baxış

“Neftçi” komandası bu gün – aprelin 13-də Premyer Liqada növbəti görüşə çıxacaq.

“Ağ-qaralar” 30-cu turun matçında “Zirə” ilə üz-üzə gələcək. “Neftçi Arena”da keçiriləcək oyun saat 19:15-də başlayacaq. Qarşılaşmanın baş hakimi isə Rəşad Əhmədov olacaq.

Qeyd edək ki, “Neftçi” ötən tur “Şamaxı” futbolçularının qonağı olub. Görüş baş məşqçi Samir Abasovun yetirmələrinin 2-0 hesablı qələbəsi ilə yekunlaşıb. Paytaxt təmsilçisinin qollarını 42-ci dəqiqədə Ramil Şeydayev, 89-cu dəqiqədə isə Filip Ozobiç vurublar. Bu nəticədən sonra 35 xalı olan “Neftçi” çempionatda 6-cı yerdədir.

“Ağ-qaralar”ın bugünkü rəqibi “Zirə” isə ötən tur “Qarabağ”la üz-üzə gəlib. “Köhlən atlar”ın meydanında baş tutan qarşılaşmada “qartallar” 0-1 hesabı ilə uduzub. Premyer Liqada 6 oyunluq məğlubiyyətsiz seriyası yekunlaşan “Zirə” “Neftçi” ilə görüş ərəfəsində 55 xalla 2-ci pillədə qərarlaşıb.

#Azərbaycan Premyer Liqası