Pleyeri seçin:
Nuri Şahin Almaniya nəhəngində baş məşqçi olacaq
“Antalyaspor” klubu ilə yollarını ayıran Nuri Şahin karyerasını Almaniyada davam etdirəcək .
Türkiyə mətbuatında yayılan məlumata görə, 35 yaşlı mütəxəssis “Borussiya Dortmund” klubundan təklif alıb. O, “sarı-qaralar”ın məşqçilər korpusunda yer alacaq. Nuri Dortmund təmsilçisinin çalışdırıcısı Edin Terziçin köməkçisi vəzifəsini icra edəcək. Hətta iddia edilir ki, o, növbəti mövsümdən komandanın baş məşqçisi təyin olunacaq.
Qeyd edək ki, “Borussiya Dortmund”un yetirməsi olan Nuri Şahin futbolçu karyerası ərzində “Real Madrid”, “Liverpul”, “Verder” və “Antalyaspor”da çıxış edib. Onun məşqçilik karyerası yalnız “Antalyaspor”la bağlıdır.
Gənc mütəxəssis 2021-ci ilin oktyabr ayından Super Liqa klubunu çalışdırırdı. Şahinin rəhbərliyi ilə 92 matça çıxan Antalya təmilçisi 38 qələbə, 23 bərabərlik və 31 məğlubiyyət əldə edib. Komanda hazırda 24 xalla turnir cədvəlinin 8-ci pilləsində qərarlaşıb.
Kopyalandı
#Futbol xəbərləri teqi istifadə olunub
- Azərbaycanlı əməkdaşlar dünya oyunlarında qalib oldular | Yeni idman xəbərləri
- Azərbaycan minifutbol millisi azarkeşlərlə görüşüb - Baku TV
- İstanbul nəhəngi portuqaliyalı hücumçu ilə şifahi razılıq əldə edib
- Minifutbol millimiz Avropa çempionatında finala yüksəldi | Yeni idman xəbərləri - Baku TV
- Çempion olan PSJ oyunçuları Makronun qəbulunda
Seçilmişlər
