Paralimpiya oyunlarını medallarla başa vuran idmançılarımız Vətənə qayıdıb

10 sentyabr 2024 408 baxış

Fransanın paytaxtı Parisdə keçirilən XXXIII Yay Paralimpiya Oyunlarında yüksək nəticələr əldə etmiş Azərbaycan idmançılarının növbəti qrupu Vətənə qayıdıb.

İdmançılar Heydər Əliyev Beynəlxalq Aeroportunda qarşılanma mərasimində jurnalistlərə açıqlama veriblər.

Yay Paralimpiya Oyunlarında paraatletika üzrə yarışlarda qızıl və gümüş medal qazanan Azərbaycan idmançısı Lamiyə Vəliyeva gələcəkdə daha böyük uğurlar əldə edəcəyini bildirib:

“Çox sevinirəm ki, Tokio-2020-dəki nəticəni təkrarladım. Bu, mənim üçün çox böyük nailiyyətdir. Bu, hələ son deyil. Gələcəkdə daha böyük uğurlar olacaq”.

Paralimpiya Oyunlarında bürünc medal qazanan paraüzgücü Vəli İsrafilov bu nəticəni əldə etdiyi üçün xoşbəxt olduğunu vurğulayıb: “Fərqli kateqoriyada çıxış edirdim. Gümüş medala yaxın idim. Təəssüf ki, alınmadı. Növbəti yarışlarda qızıl medal üçün çalışacağam”.

#Paris-2024 Yay Paralimpiya Oyunları