İdman
Pleyeri seçin:
Paris-2024-ə qatılacaq olimpiyaçılarımızın yolasalma mərasimi olub
İyulun 17-si Paris-2024 Olimpiya Oyunlarında iştirak edəcək idmançılarımızın təntənəli yolasalma mərasimi keçirilib.
Milli Gimnastika Arenasında təşkil olunan tədbirin əvvəlində Azərbaycan Respublikasının Dövlət Himni səsləndirilib.
Daha sonra gənclər və idman naziri Fərid Qayıbov çıxış edərək Olimpiya Oyunlarında ölkəmizi təmsil edəcək atletlərə uğurlar arzulayıb.
Olimpiya komandamızın bayraqdarlarının adlarını açıqlayan nazir bu vəzifənin cüdoçu Gültac Məmmədəliyeva və boksçu Məhəmməd Abdullayevə həvalə olunduğunu bildirib.
Ardınca idmançılarımızın lisenziya qazandıqları anların əks olunduğu videoçarx nümayiş etdirilib.
Tədbirin davamında təmsilçilərimizin Olimpiya Oyunlarında iştirakı üçün xüsusi hazırlanan vahid idman geyim formasının təqdim olunub.
Qeyd edək ki, iyulun 26-dan avqustun 11-dək davam edəcək Paris Olimpiadasında ölkəmiz 15 idman növü üzrə 17 proqramda ümumən 48 idmançı ilə təmsil olunacaq.
Kopyalandı
Seçilmişlər
