Qadın paltarındakı kişilərlə... | Paris olimpiadasındakı biabırçılıqlar dünya gündəmində

2024-cü ildə Parisdə keçirilən Yay Olimpiya Oyunlarının açılış mərasimi beynəlxalq etirazlara səbəb olub.

Jurnalistlər, ictimai xadimlər, blogerlər və hətta idmançılar tədbirin konsepsiyasını pisləyərək, bunu biabırçılıq adlandırıblar.

Fransız “L'Incorrect” nəşrin jurnalisti Juliette Brien Oyunların açılış mərasimini “qəribə şou” adlandırıb, üstəlik, X sosial şəbəkə hesabında bu haqda yazıb bütün dünyadan üzr istəyərək, Olimpiadanı işıqlandırmaqdan imtina edib: “Səmimi, vətənpərvər bir fransız qadın kimi mən bu şouda iştirak etməkdən imtina edirəm və səndən üzr istəyirəm, dünya”.

Açılış amerikalı Libery Lockdown podkastının aparıcısı Clint Russellin də hiddətinə səbəb olub. “Da Vinçinin “Sonuncu şam yeməyi” məşhur əsərindən İsanı və həvarisləri qadın paltarı geyinmiş kişilərlə əvəz etməklə tədbiri açmaq tam dəlilikdir”, – deyə Russel bildirib.

“The Guardian”ın rəyçisi mərasimi “zəhərli tamaşa” kimi qiymətləndirib. Milli Futbol Liqasının futbolçusu Harrison Butker Müqəddəs Yazılara istinad edərək hadisəni küfr adlandırıb.

“Olimpiadada nə baş verir? Təəccüblü deyil ki, daha heç kim ona baxmaz”, – deyə məşhur amerikalı bloger Nik Sortor da qeyd edib. Hətta Elon Musk da məyusluğunu belə ifadə edib: “Bu, xristianlara qarşı son dərəcə hörmətsizlik idi”.