Pleyeri seçin:
“Qalatasaray”ın ulduzu Mauro İkardi “Real”a keçə bilər
“Qalatasaray”ın əsas ulduzu Mauro İkardi “Real Madrid”ə keçməyə yaxındır.
Xarici mediada yayılan məlumata görə, Vinisius Junior və Rodriqonun zədəli olması səbəbindən “kral klubu” hücum xəttinə yeni oyunçu cəlb etməyi planlaşdırır.
Baş məşqçi Karlo Ançelottinin əsas hədəfi isə “sarı-qırmızılar”ın qol silahı İkardidir. Bildirilir ki, “los blankos” Mauro üçün İstanbul təmsilçisinə 15 milyon avro ödəməyə hazırdır.
Qeyd edək ki, Mauro İkardi 2022-ci ildən “Qalatasaray”ın şərəfini qoruyur. Bu müddət ərzində 46 oyunda meydana çıxan argentinalı 38 qol və 11 məhsuldar ötürmənin müəllifidir. “Cim-bom”la müqaviləsi 2026-cı ilə qədər olan Mauro ötən mövsüm klubla Türkiyə çempionatında da qalib gəlib.
Kopyalandı
#Qalatasaray FK teqi istifadə olunub
Seçilmişlər
