“Qarabağ” bu gün Çempionlar Liqasında “Linkoln”la üz-üzə gələcək

“Qarabağ” komandası bu gün UEFA Çempionlar Liqasında ilk matçına çıxacaq. “Köhlən atlar” II təsnifat mərhələsi çərçivəsində Cəbəllüttariq çempionu “Linkoln”la üz-üzə gələcək.

“Viktoriya” stadionunda keçiriləcək və macarıstanlı FIFA referisi İştvan Vadın idarə edəcəyi görüş Bakı vaxtı ilə saat 20:00-da başlayacaq. Tərəflərin cavab oyunu isə iyulun 30-u Bakıda təşkil olunacaq.

Qeyd edək ki, artıq Çempionlar Liqasında “Qarabağ”ın potensial rəqibləri də məlumdur. İsveçrənin Nyon şəhərində keçirilən püşkatmaya əsasən, “Linkoln” - “Qarabağ” cütünün qalibi III təsnifat mərhələsində Bolqarıstanın “Ludoqorets” və Belarusun “Dinamo Minsk” klubları arasında mübarizədə güclü olan tərəflə qarşılaşacaq. Bu mərhələnin ilk oyunları avqustun 6-da və 7-də, cavab görüşləri isə avqustun 13-də baş tutacaq.