İdman
Pleyeri seçin:
“Qarabağ” klubu fanatlarına görə cərimə edilib
“Qarabağ” klubu Azərbaycan Kubokunda “Neftçi” ilə görüşdə azarkeşlərin kütləvi şəkildə rəqib futbolçuları təhqir etməsi ilə əlaqədar cərimə olunub.
Bununla bağlı qərar İntizam Komitəsinin iclasında qəbul edilib. Qərara əsasən, Ağdam təmsilçisi 1000 manat məbləğində cərimə olunub.
Xatırladaq ki, “Neftçi” ilə oyun zamanı “Qarabağ”ın fanatları komandanın sabiq üzvü, hazırda “ağ-qaralar”ın şərəfini qoruyan Qara Qarayevi təhqir ediblər.
Qeyd edək ki, insidentin baş verdiyi matç “köhlən atlar”ın 4-0 hesablı qələbəsi ilə yekunlaşıb. Tərəflər arasında yarımfinal mərhələsinin cavab matçı isə aprelin 24-də keçiriləcək. Əlavə edək ki, bu cütün qalibi finalda “Zirə” və “Qəbələ” klubları arasında mübarizədə güclü olan tərəflə qarşılaşacaq.
Kopyalandı
Seçilmişlər
