“Qarabağ” komandası yeni transferini açıqladı

"Qarabağ” komandası qış transfer pəncərəsində daha bir futbolçunu heyətinə qatıb. Ağdam təmsilçisi albaniyalı hücumçu Redon Cicanın keçidini tamamlayıb.

“Köhlən atlar”ın rəsmi saytındakı məlumata əsasən, 24 yaşlı forvard Azərbaycan çempionu ilə 3 il yarımlıq müqavilə imzalayıb. Cica yeni klubunda 99 nömrəli forma ilə çıxış edəcək.

Qeyd edək ki, Redon Cica karyerası ərzində yalnız ölkəsinin klublarında top qovub. "Şkendiya"nın yetirməsi olan oyunçu peşəkar karyerasına 2017-ci ildə "Laçi"də start verib. 4 mövsüm bu komandanın şərəfini qoruyan və 129 oyunda 26 qolla yadda qalan futbolçu 2021-ci ildə "Tirana"ya qoşulub. Burada çıxış etdiyi müddətdə isə Cica 54 matçda 32 dəfə rəqib qapılarına yol tapıb. Onun klub səviyyəsində ən ciddi nailiyyəti 2022-ci ildə qeydə alınıb. Redon ötən il “Laçi” ilə Albaniya superkubokunda qələbə qazanıb.