“Qarabağ”dan ayrılan Ramil Şeydayevdən təsirli paylaşım

“Qarabağ”la yollarını ayıran Ramil Şeydayev klubla vidalaşıb.

Şəxsi “Instagram” hesabında paylaşım edən Ramil postunu “Sizə hər bir məqama görə dönə-dönə çox sağ olun deyirəm, mən sizin üçün olduqca çox darıxacağam!” sözləri ilə tamamlayıb.

Qeyd edək ki, “Qarabağ”la sözləşməsi mövsümün sonunda başa çatan Ramil Şeydayevin karyerasını Tailandda davam etdirəcəyi bildirilir. 27 yaşlı forvardın bu ölkənin “Buriram Yunayted” komandası ilə 2 illik müqavilə imzalaması gözlənilir. Mediada yayılan məlumata əsasən, onun illik məvacibi təqribən 750 min avro olacaq.