Qaşım Maqomedov “Paris-2024”ün gümüş mükafatını qazanıb

Taekvondoçumuz Qaşım Maqomedov “Paris-2024”də final görüşünə çıxıb.

58 kq-dək çəkidə yer alan idmançımız bu mərhələdə cənubi koreyalı Pak Tedzünlə üz-üzə gəlib. Rəqibinə məğlub olan Qaşım olimpiadanın gümüş medalını qazanıb.

Qeyd edək ki, yarışa 1/8 finaldan start verən Qaşım Maqomedov bu mərhələdə irlandiyalı Cek Uolleyi məğlub edib. 1/4 finalda ispaniyalı Adrian Visente Yuntadan güclü olan Maqomedov yarımfinalda Vito Dellakvilaya qalib gəlib.