Pleyeri seçin:
"Azərreyl" voleybol komandalarımız tarixi uğura imza atıb
“Azərreyl” voleybol klubunun kişilərdən ibarət komandası Avropa Kubokunun qalibi olub.
Təmsilçimiz Fransanın Monpelye şəhərində keçirilən çimərlik voleybolu üzrə klublararası yarışın finalında İspaniyanın “Poniente Benidorm Alikante“ komandası ilə qarşılaşıb.
Kollektivlər arasında baş tutan 2 görüşdə qalib müəyyənləşmədiyi üçün qızıl set oynanılıb. Burada 15-12 hesabı ilə üstün olan “Azərreyl” Avropa Kubokunun sahibi olub.
Qadınlardan ibarət voleybol komandamız da Avropa Kubokunda 1-ci yeri tutub. İdmançılarımız həlledici matçda Ukraynanın “Sunrise Beach Sports” klubu ilə üz-üzə gəlib. 2 qarşılaşma ərzində qalib müəyyənləşmədiyindən yenə qızıl setə ehtiyac yaranıb. Burada isə “Azərreyl” daha yaxşı təsir bağışlayaraq yekunda mükafatın sahibi olub.
Kopyalandı
