"Barselona"da gərginlik pik həddə çatdı

“Barselona” baş məşqçi Xavi Ernandeslə yollarını ayıracaq.

İspaniya mətbuatında yayılan xəbərə görə, 44 yaşlı mütəxəssisin müsahibələrindən birində klubun maliyyə problemlərindən gileylənməsi rəhbərliyi qəzəbləndirib. Nəticədə prezident Joan Laporta da daxil olmaqla idarə heyətinin digər üzvləri Xavi ilə vidalaşmağa qərar veriblər.

Son xəbərlərə görə, onun yerinə 2 illik müqaviləyə razılıq verən “Bavariya” və Almaniya millisinin sabiq çalışdırıcısı Hansi Flik gətiriləcək.