"Barselona"nın Malyorka səfəri uğursuz alınıb
La Liqanın lideri “Barselona” 7-ci turda xal itirib.
Malyorkada eyni adlı komandanın qonağı olan “blauqrana” 2 dəfə hesabda geriyə düşsə də, məğlubiyyətdən qaça bilib.
Meydan sahiblərindən Vedat Muriqi və Abdon Pratsın qollarına kataloniyalılar Rafinya və Fermin Lopezin topları ilə cavab veriblər. “Malyorka” – “Barselona”: 2-2.
17 xalı olan Barsa liderliyini davam etdirir. “Malyorka” isə 6 xalla 15-ci pillədədir.
“Mançester Yunayted” İngiltərə Liqa kubokunun 1/16 final mərhələsində inamlı qələbə qazanıb. “Old Trafford”da “Kristal Pelas”ı qəbul edən “qırmızı şeytanlar” Qarnaço, Kazemiro və Marsyalın qolları ilə 3-0 hesabı ilə qalib gəliblər.
İtaliya A seriyasında isə 6-cı tura start verilib. Doğma meydanda “Leççe” ilə üz-üzə gələn “Yuventus” 1-0 hesabı ilə güclü olub. Matçda yeganə qolu 57-ci dəqiqədə Arkadiuş Milik vurub.
Xallarının sayını 13-ə çatdıran “Qoca Sinyora” 2-ci pilləyə yüksəlib. 6 turdan sonra 11 xal toplayan “Leççe” isə 4-cü yerdədir.
![icon](/images/loading.png)