"Neftçi"nin stadionunun adında dəyişiklik edildi

“Neftçi” komandasının ev oyunlarını keçirdiyi “Bakcell Arena” stadionunun adı dəyişdirilib.

Bu barədə klubun baş icraçı direktoru Fərrux Mahmudov şəxsi “Facebook” hesabında paylaşım edib.

O, stadionun artıq “Bakcell Arena” və ya “8-ci km stadionu” yox, “Neftçi Arena” adlandırılacağını bildirib. Funksioner bu dəyişikliyin azarkeşlərin istəyi ilə baş tutduğunu vurğulayıb.

F.Mahmudov UEFA Konfrans liqasının III təsnifat mərhələsində “Beşiktaş”la oyunun da “Neftçi Arena”da keçiriləcəyini bildirib.