"Neftçi"nin təlim-məşq toplanışında növbəti rəqibi məlumdur

Türkiyədə təlim-məşq toplanışını davam etdirən “Neftçi”nin növbəti rəqibi açıqlanıb.

Klubdan verilən rəsmi məlumata görə, “ağ-qaralar” 2-ci yoxlama oyununda Almaniyanın 3-cü liqa təmsilçisi “Valdhof”la üz-üzə gələcək. Yanvarın 13-ü baş tutacaq qarşılaşmanın start fiti Bakı vaxtı ilə saat 16-da veriləcək.

Qeyd edək ki, hazırda paytaxt təmsilçisinin toplanışında zədəli olan Qara Qarayev, Reziuan Mirzov və millisinin düşərgəsində olan Ataa Caberdən başqa bütün futbolçular iştirak edir.