"Neftçi"nin yoxlama matçı keçirəcəyi ilk rəqibi məlumdur

Qış təlim-məşq toplanışı üçün Türkiyəyə yollanan “Neftçi”nin yoxlama matçı keçirəcəyi ilk rəqibi müəyyənləşib.

“Ağ-qaralar” Antalyada yerli “Ərzurumspor” kollektivi ilə üz-üzə gələcək. Bu barədə klub rəsmi məlumat yayıb. Bildirilir ki, 1-ci liqa təmsilçisi ilə qarşılaşma yanvarın 6-da keçiriləcək.

Qeyd edək ki, “Neftçi”nin hazırlıq prosesi yanvarın 14-dək davam edəcək. Komanda toplanış müddətində 2 yoxlama oyununda qüvvəsini sınayacaq.