İdman
Pleyeri seçin:
"Qarabağ" rəqibinin qapısına 5 qol vurdu
Yeni mövsümə hazırlığı davam etdirən “Qarabağ” daha bir yoxlama matçı keçirib.
Baş məşqçi Qurban Qurbanovun futbolçuları Avstriyadakı təlim-məşq toplanışı çərçivəsində Birləşmiş Ərəb Əmirliklərinin “Əl-Şabab” klubu ilə qarşılaşıblar. 7 qolun vurulduğu oyunda “köhlən atlar” 5-2 hesablı qələbə qazanıblar.
Komandanın heyətində het-trik edən Abdulla Zubirlə yanaşı, Leandro Andrade və Yassin Benzia fərqləniblər.
Qeyd edək ki, “Qarabağ” iyulun 16-da daha bir yoxlama görüşündə qüvvəsini sınayıb. Xorvatiyanın “Slaven Belupo” kollektivi ilə üz-üzə gələn Ağdam təmsilçisi Musa Qurbanlının yeganə qolu sayəsində qalib gəlib.
Kopyalandı
