"Qarabağ"ın əsas futbolçularından biri komandadan getməyə yaxındır

“Qarabağ”ın aparıcı futbolçularından Julio Romao komandadan ayrıla bilər.

Bu barədə mediada xəbərlər yayılıb. Bildirilir ki, Macarıstanın “Ferentsvaroş” klubu Romaonun dəvətində maraqlıdır.

Son məlumata görə, Julio agenti ilə birlikdə hazırda bu təklifi nəzərdən keçirir. Tərəflərin razılıq əldə edəcəyi təqdirdə, keçidin yayda baş tutması gözlənilir.

Qeyd edək ki, Julio Romao ötən ilin yayından “köhlən atlar”ın formasını geyinir. 350 min avroya Portuqaliyanın “Santa Klara” klubundan cəlb olunan futbolçunun “Transfermarkt” portalına əsasən hazırkı dəyəri 500 min avrodur. 25 yaşlı yarımmüdafiəçinin Azərbaycan çempionu ilə müqaviləsi isə 2026-cı ilədək nəzərdə tutulub.