"Qarabağ"ın hücumçusu klubdan getməyə yaxındır

“Qarabağ”ın albaniyalı hücumçusu Redon Cica tezliklə klubu tərk edə bilər.

Son xəbərlərə görə, Ağdam təmsilçisi 25 yaşlı futbolçunu icarə əsasında başqa komandaya göndərmək niyyətindədir.

Mediada yayılan məlumata əsasən, Redonun dəvətində ölkəmizin bir sıra klubları, eləcə də Türkiyə və Albaniya kollektivləri maraqlıdır. İddia olunur ki, “Qarabağ”ın start heyətindən kənarda qalan forvard özü də mövsümün sonunda icarə təkliflərini nəzərdən keçirəcək.

Qeyd edək ki, müqaviləsi 2026-cı ilədək olan R.Cica ötən ilin yanvarından Ağdam komandasının şərəfini qoruyur. “Transfermarkt” portalına əsasən, “Tirana” klubundan 550 min avroya cəlb olunan hücumçu bütün yarışlarda 48 matçda meydana çıxıb. O, bu görüşlərdə 8 qol və 5 assistlə yadda qalıb.