"Qarabağ"ın istəmədiyi futbolçu yeni klub axtarışındadır

“Qarabağ”ın fransalı futbolçusu Adama Diakabi klubla yollarını ayırmağa yaxındır.

Yerli mətbuatda yayılan məlumata görə, 27 yaşlı forvard artıq özünə yeni kollektiv axtarmağa başlayıb. Bildirilir ki, Adama hazırda Fransanın Liqa 1 və Liqa 2 komandaları ilə danışıqlar aparır.

Qeyd edək ki, Adama Diakabi ötən ilin yanvarından “Qarabağ”da çıxış edir. Ağdam təmsilçisi ilə müqaviləsi 2025-ci ilə qədər olan və 19 oyunda forma geyinən forvard cəmi 2 dəfə fərqlənib.