"Qarabağ"ın vacib futbolçularından Toral Bayramov klubdan ayrıla bilər

31 oktyabr 2024 341 baxış

“Qarabağ”ın aparıcı futbolçularından Toral Bayramov karyerasını Türkiyədə davam etdirə bilər.

23 yaşlı oyunçu Superliqa klublarından “Alanyaspor”un maraq dairəsindədir.

Son xəbərlərə görə, bu komandanın rəsmiləri T.Bayramovun çıxışını uzun müddətdir izləyirlər və onun transferi ilə əlaqədar tezliklə danışıqlara başlamaq istəyirlər. Bununla belə, potensial keçidin qışda və ya yayda reallaşacağı ilə bağlı məlumat yoxdur.

Qeyd edək ki, “transfermarkt” portalına görə, dəyəri 1 milyon avro olan və Ağdam təmsilçisi ilə müqaviləsi 2026-cı ilə qədər nəzərdə tutulan Toral 2019-cu ildən “köhlən atlar”ın əsas heyətindədir. Bu müddət ərzində 172 matça qatılan oyunçu 26 qol və 34 assistlə yadda qalıb.

Həm müdafiəçi, həm də yarımmüdafiəçi kimi çıxış edə bilən T.Bayramov milli komandamızın da vacib üzvüdür. 2021-ci ildən yığmamıza çağırılan futbolçu 27 görüşdə 4 qolun müəllifidir.

#Toral Bayramov