İdman
Pleyeri seçin:
"Sabah" klubu Konfrans Liqasında növbəti mərhələyə yüksəldi
“Sabah” klubu UEFA Konfrans liqasında III təsnifat mərhələsinə yüksəlib. “Bayquşlar” doğma meydanlarında Latviyanın “RFŞ” kollektivini 2-1 hesabı ilə məğlub edərək buna nail olublar.
Matçın ilk hissəsində qapılar önündə qol şansları yaransa da, hesab açılmayıb. 2-ci hissənin 67-ci dəqiqəsində isə qonaq komanda fərqlənməyi bacarıb. Yanus İkauniyeks komandasını önə çıxarıb. Lakin hücumlarını sürətləndirən “Sabah” cəmi 10 dəqiqə sonra hesabı bərabərləşdirib. Coy Lens Mikels rəqib qapısını dəqiq nişan alıb. 94-cü dəqiqədə isə Emanuel Apeh komandasına qələbə qazandıran qolu vurub. “Sabah” – “RFŞ”: 2-1.
Qeyd edək ki, tarixində ilk dəfə Avrokuboklarda çıxış edən “Sabah” III təsnifat mərhələsində Serbiyanın “Partizan” kollektivi ilə qarşılaşacaq. Bu komandalar arasında ilk oyun avqustun 10-u Bakıda keçiriləcək.
Kopyalandı
Seçilmişlər
