İdman
Pleyeri seçin:
"Sabah" və "Zirə" Premyer Liqada növbəti oyunlarına çıxıblar
Azərbaycan Premyer liqasında 4-cü turun növbəti oyunlarından birində iddialı “Sabah” komandası “Sumqayıt”ı qəbul edib.
“Bank Respublika Arena”da keçirilən qarşılaşmada 4 qol vurulub. Hesabı Fernando Medeyrosun dəqiq zərbəsi ilə 13-cü dəqiqədə “kimyaçılar” açıblar. İlk hissənin sonlarında Namik Ələsgərov tarazlığı bərpa edib: 1-1.
İkinci yarıda hücumlarını sürətləndirən “bayquşlar” hesabda irəli çıxıb. Pavel Şafranko sumqayıtlı azarkeşləri məyus edib. Görüşdə son nöqtəni Jesse Sekidika qoyub. “Sabah” – “Sumqayıt”: 3-1. Bu qələbə sayəsində xallarının sayını 7-yə çatdıran “Sabah” 2-ci pillədə qərarlaşıb. Komanda lider “Turan Tovuz”dan 3 xal geri qalır.
Turun digər matçında “Zirə” öz meydanında “Şamaxı” ilə üz-üzə gəlib. Oyunun taleyini qonaqların üzvü Leroy Mikelsin vurduğu yeganə qol həll edib. Minimal hesablı qələbədən sonra 4 xalı olan “Şamaxı” 7-ci, ardıcıl iki qalibiyyətdən sonra uduzan “Zirə” isə 4-cü yerdədir.
Kopyalandı
Seçilmişlər
