“Real Madrid” 2 ulduz futbolçu transfer edəcək

İyunun 4-də Kərim Benzemanın klubdan getdiyini açıqlayan “Real Madrid” hücum xəttinə 2 yeni futbolçu cəlb etmək niyyətindədir.

Mətbuatda yayılan məlumata görə, bunlar Harri Keyn və Kay Havertsdir. Son xəbərlərə əsasən, müqaviləsi gələn yay başa çatacaq H.Keyn özü də “Tottenhem”dən getmək istəyir. London təmsilçisinin rəhbərliyi Harrini komandada saxlamağı planlaşdırsa da, onun transferini də nəzərdən keçirir. Bu halda “mahmızlar” 29 yaşlı hücumçunun keçidindən azı 100 milyon avro qazanmaq niyyətindədir.

“Real”ın digər hədəfi Kay Havertsin transferi isə nisbətən daha az məbləğə başa gələcək. Medianın əldə etdiyi məlumata əsasən, “los blankos” 23 yaşlı yarımmüdafiəçiyə görə “Çelsi”yə 60 milyon avro ödəyəcək.