Ronaldodan sonra Messi də Səudiyyə Ərəbistanına gedir?

“Pari Sen-Jermen”in super ulduzu, Argentina millisinin kapitanı Lionel Messi karyerasını Səudiyyə Ərəbistanında davam etdirə bilər.

Bu barədə xarici KİV-də xəbərlər yayılıb. Məlumata görə, Kriştiano Ronaldonun “Əl-Nəsr” klubuna keçidindən sonra bu komandanın əsas rəqiblərindən “Əl-Hilal” Messini dəvət etmək niyyətindədir.

Son xəbərə əsasən, adıçəkilən klub PSJ ilə müqaviləsi bu ilin yayınadək nəzərdə tutulan Leoya illik 300 milyon avroluq məvacib təklif edib. Oyunçu və onun nümayəndələrinin buna necə reaksiya verdiyi isə hələ ki məlum deyil.