“Sabah” klubu Rusiya çempionatından futbolçu transfer edib

“Sabah” klubu Rusiyanın “Ximki” kollektivinin üzvü Ayaz Quliyevi heyətinə qatıb.

“Sabah”dan verilən məlumata əsasən, Azərbaycan əsilli futbolçu ilə 3 illik müqavilə bağlanıb. 26 yaşlı yarımmüdafiəçi yeni kollektivində 8 nömrəli formanı geyinəcək.

Qeyd edək ki, ötən yay azad agent kimi “Ximki”yə qoşulan Ayaz Moskva “Spartak”ının yetirməsidir. Bir müddət “Spartak”da çıxış edən Quliyev sonradan “Anji”, “Rostov”, “Arsenal Tula” kimi kollektivlərdə də top qovub. Ümumən karyerası ərzində 205 matça qatılan futbolçu 8 qol və 15 məhsuldar ötürmə müəllifidir.