Şahruddin Məhəmmədəliyev oyuna daxil olduqdan 2 dəqiqə sonra top buraxdı

“Qarabağ”ın sabiq qapıçısı Şahruddin Məhəmmədəliyev “Adana Dəmirspor”un heyətində debüt matçına çıxıb.

“Kasımpaşa” ilə görüşün 19-cu dəqiqəsində Ertaç Özbirin birbaşa qırmızı vərəqə almasından sonra oyuna daxil olan Ş.Məhəmmədəliyev cəmi 2 dəqiqə sonra qapısında top görüb. Aytac Kara cərimə zərbəsindən fərqlənib.

Qeyd edək ki, 6-cı turun qarşılaşması “Kasımpaşa”nın 2-1 hesablı qələbəsi ilə yekunlaşıb.