Pleyeri seçin:
Salah sabiq komanda yoldaşı Sadio Mane ilə konflikt yaşadığını təsdiqləyib
"Liverpul"un vingeri Məhəmməd Salah İngiltərə təmsilçisindəki sabiq komanda yoldaşı Sadio Mane ilə münasibətlərinin qaydasında olmadığını təsdiqləyib.
Misirli ulduz afrikalı oyunçu barədə belə danışıb:
"Bəli, Sadio Mane ilə aramızda müəyyən gərginlik var idi. Konfliktlərimiz olurdu. Amma biz həmişə peşəkar olaraq qalmışıq. Aramızdakı problemlərin komandanın oyununa təsir etdiyini düşünmürəm. Bütün böyük oyunçular böyük hədəflərə köklənirlər. Mən bunu anlayıram. O, əsl döyüşçüdür.
İnsanlar nə gəldi danışırlar. Ancaq fakt budur ki, Mane mənə hamıdan çox qol ötürməsi verib. Medianın necə işlədiyindən xəbərdaram. Düzgün yol seçmirlər. Vicdanım təmizdir".
Xatırladaq ki, S.Mane hazırda Səudiyyə Ərəbistanı təmsilçisi "Əl-Nəsr"in formasını geyinir. Daha əvvəl o, Almaniyanın “Bayern Münhen” klubunun da şərəfini qoruyub.
Kopyalandı
