SOCAR və “Qalatasaray” klubu arasında 3 illik sözləşmə imzalandı
Azərbaycan Respublikası Dövlət Neft Şirkəti və “Qalatasaray” klubu arasında sponsorluq müqaviləsi imzalanıb.
“Ali Sami Yen” İdman Kompleksində baş tutan tədbirdə “SOCAR Türkiyə” şirkətinin baş icraçı direktoru vəzifəsini müvəqqəti icra edən Elçin İbadov Türkiyədə idmana verdikləri dəstəyə yeni bir halqa əlavə etdiklərini bildirib. O, “Qalatasaray”ın Çempionlar liqasında yoluna uğurla davam edəcəyinə ümidvar olduğunu bildirib.
Türkiyə nəhənginin prezidenti Dursun Özbek isə SOCAR-la əməkdaşlıqdan məmnun olduqlarını deyərək, böyük hədəflərə doğru yolda SOCAR-ın dəstəyinin önəmli olduğunu vurğulayıb.
Qeyd edək ki, tərəflər arasında imzalanan 3 illik müqavilənin ümumi dəyəri 15 milyon avrodur. Razılaşmaya əsasən, “Qalatasaray” 2023/2024 mövsümündə UEFA-nın bütün rəsmi klub turnirlərində sinəsində SOCAR yazısı olan formada çıxış edəcək.
Bundan başqa, SOCAR mediada “Qalatasaray Futbol Komandasının Enerji Sponsoru” ifadəsindən istifadə etmək hüququna da malikdir.
#SOCAR teqi istifadə olunub
- Çexiya Sənaye və Ticarət Nazirliyindən SOCAR ilə əməkdaşlığın önəmi barədə açıqlama - Baku TV
- Qahirədə enerji konfransı | SOCAR Yaxın Şərqdə nəyi planlaşdırır? - Baku TV
- Azərbaycan Qahirədə 9-cu Beynəlxalq Enerji Konfransı və Sərgisində təmsil olunur - Baku TV
- Türkiyə SOCAR-ın "Aliağa" limanında 50% payın MSC-yə satışını təsdiqlədi - Baku TV
- İnteraktiv formatda sessiya keçirilib - Baku TV
